13/12

又係我一周工作匯報總結的時間啦

工作上開始慢慢適應左啦~

換左個新同事合作上好左好多~

工作量大係就係辛苦d~又要兼顧好多野~

不過多d黎密d手下都仲做得黎ge~

面對好多新嘗試新問題新挑戰~

的而且確係開闊左自己的眼界~

個Comfort Zone亦感覺到大左~

記得之前玩Outward Bound所學識的最重要一樣野~

就係做人要有堅持唔好輕易放棄~

當時行足幾日山爬足幾日艇~

系荒山野嶺無涼沖~俾沙蚤咬~飲生水都未死得~

無理由因少少事就放棄~!

生活上可以得閒同d fds食下飯吹下水打下波~

都已經覺得好滿足~都慶幸有班好朋友一齊並肩作戰

              6/12

可能係上天要俾個考驗我~

俾左一個可以令我真真正正體會返工生活o既機會~

亦迫自己去面對現實&成長~

有好多事可以令到人好無奈~

亦有好多野係百辭莫辯~

有咩事都要自己頂硬上~

凡事應先求諸己~唔好心存人地會幫你o既希望~

我相信人生當中o既每一個經歷&安排都係有原因o既~

希望可以克服倒目前o既困境啦~!

              28/11

呢晚同班朋友仔去左旺角新星打邊爐~

已經係今個星期第三次打邊爐啦!!!

呢間野又估唔到甘多人wow~打晒蛇餅~

要系街度等成粒鐘先入到去

呢度d食材都幾新鮮~選擇都幾多

成班好似餓鬼甘瞬間將d野食掃晒

最後我地都叫左4 Round先收手~

最強都係阿良~都唔知佢係咪個肚度生左條蟲~

食極都唔飽~係得佢一個可以由頭奮戰到尾

食飽飽去網吧玩埋槍Game & AOC激戰一輪先返歸~爽晒~!

               23/11

返工做野做得唔係幾開心~

一下子好多野迫埋黎~

不過夜晚玩到好開心~連續2晚打邊爐~

識到Taylor班新朋友仔~

又試拎出我果d壓箱底o既小遊戲同佢地玩~

估唔到大家甘岩玩丫

呢晚d野食好味過尋晚~

特別係d肥牛終於都肉多過肥膏啦

笑足成晚~將返工d污氣都一掃而空

 ***************************************

             22/11

今日終於可以訓到黃朝八晏先起身~

近日返工真係好難頂~

下晝打完波出番身汗成個人鬆晒~

夜晚去左荃灣同9+2班朋友仔打邊爐~

發覺d肥牛係7成肥膏3成肉

仲好似唔係食左好多丸甘~

不過都塞得飽肚o既~

返到屋企成個人又試散晒

              19/11

好辛苦...好苦惱...

原來工作係可以多成甘o既...

一個人要做幾個人o既工作量...

全新o既工作...全新o既挑戰...

已經好耐未試過呢種Exhaust的感覺...

友人講得岩而家個社會就好似10個沙煲得7個蓋...

就睇你點樣可以系有限資源下將10個沙煲都掩埋...

但而家o既感覺係10個沙煲1個蓋...點蓋都死...

要快d學識忍者o既絕技先得...