21/6

呢幾日好有以前讀書時ge果種無憂無慮ge感覺~

因為有好多位巴打生日~晚晚都剩係諗去邊度玩

星期五收工先同班中同一齊去左M記生日會幫Alvin & Sing慶祝~

佢班小學同學都一齊出埋黎~

10幾個大細路系M記嘈到拆天~

搞到個M記姐姐無晒我地符~哈哈~

呢次生日會搞得成真係要多謝未來阿嫂啦~

Alvin就幸福啦~真係要好好珍惜啦

之後散場再轉場去Bar度飲野吹水~

送走主人翁後同班中同去左尖咀海旁再飲過~

大家傾起d好嚴肅~具哲學性&未來性ge問題~

從來無諗過我地會傾埋晒d甘ge野~

可能人大左思想成熟左係會唔同晒

時間始終係唔會停留~而且係以高速地流逝~

只要稍稍唔珍惜就會一點痕跡都唔留低~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊

尋晚就去左樹權&奇利夫個生日party~

系樹權大佬旺角間Cafe度搞~

Book左全場最大間房連KTV~又係成朋人好鬼熱鬧~

巴打生日俾女圍真係羨慕死人~嘻嘻~

死死團難得甘齊人一齊影番張合照

當然要扮番我地死死團ge招牌動作啦

呢張係影得最齊齊整整ge一張死死團團照

狂玩圍妹~又大話骰~又猜妹~又21點~又Lucky~乜都玩混~

已經好耐無甘癲喪過~

玩之餘又唱下K~

唔知係咪飲大2杯又大嗌大叫~

把聲沙到完全唔認得係自己

最後玩到朝早6am先走人~

出面場D人都走晒~

如果間Cafe唔係自己人開ge實晨早趕我地走~